पाल्पा \
जिल्ला बचत तथा ऋण सहकारी संघ लिमिटेड पाल्पाको अध्यक्षमा जगदीश भट्टराई पुनः निर्विरोध निर्वाचित भएका छन् । संघको शनिबार तानसेनमा भएको २३ औं वार्षिक साधारण सभा तथा सातौं अधिवेशनले पत्रकार, सहकारी अभियान्ता राजनीतिकर्मी भट्टराईलाई अध्यक्षमा चयन गरेको हो । भट्टराईले जिल्लाको सहकारी अभियान र पत्रकारिता क्षेत्रमा महत्वपूर्ण भूमिका खेल्दै आएका छन् ।
नेपाली काँग्रेस गुल्मीका सचिव समेत रहेका उनले संघमा यस अघि अध्यक्षको कूशल जिम्मेवारी निर्वाह गरेकै कारण पुनः संघको अध्यक्षमा चयन भएका हुन् । संघले भट्टराईको नेतृत्वमा ३ वर्षे कार्यकालका लागि ११ सदस्यीय कार्यसमिति चयन गरेको छ । जसको उपाध्यक्षमा तुल्सीराम भूसाल, सचिवमा धनबहादुर रायमाझी, कोषाध्यक्षमा विन्दु थापा रहेका छन् । यस्तै संघको कार्यसमिति सदस्यमा सीता घिमिरे, लक्ष्मी न्यौपाने, रेनु लम्साल, पूर्णबहादुर भण्डारी, मधुदयाल सैजू, मोतिलाल अधिकारी र धातानन्द बस्याल रहेका छन् । यस्तै अधिवेशनले लेखा सुपरीवेक्षण समिति पनि गठन गरेको छ । जसको संयोजकमा भेषराज सुवेदी, सदस्यमा दिपक न्यौपाने र मदनलाल बज्राचार्य रहेको निर्वाचन समितिले जनाएको छ ।
अध्यक्षमा चयन भएसँगै भट्टराईले जिल्लाका बचत तथा ऋणको क्षेत्रमा काम गर्दै आएका सहकारीहरुको प्रवद्र्धन र विस्तारमा थप नयाँ कार्यक्रम ल्याएर अगाडि बढ्ने बताएका छन् । उनले अब सहकारीलाई प्रविधिमैत्री बनाएर लैजाने दिशामा आफ्नो नेतृत्वले ध्यान दिने बताए ।
